Четири години преродба – Анализа на А1Брзи промени, повисок животен стандард, пониска невработеност. За бизнисмените - подобра бизнис клима, за граѓаните - поефикасна администрација. Економијата беше клучната карта со која ВМРО-ДПМНЕ во 2006-та неприкосновено го порази Социјал демократскиот сојуз.
Четири години потоа стапката на невработеност се намали на 32 % - недоволни за да ја променет сликата. Во земјава 28,7% се сиромашни, при преземањето на власта слично - 29,8%.
Она што значајно требаше да го забрза економскиот пулс на земјава беа инвестициите и државните и оние на приватниот сектор.
Но, дали потфрли клучниот адут на оваа власт, инвестициите лани не достигнаа ниту 200 милиони евра. За Владата беше виновна кризата.
„Имаме неколку, кои што нормално, заради очигледни доверливи причини, немаме финални одлуки, но пред финални одлуки сме и очекуваме 2010-та, како се подобрува прегледноста кај самите фирми, кај економијата, кај развојот на пазарите низ Европа, да носат повеќе идеи и повеќе конкретни проекти“, вели Веле Самак, министер за странски инвестиции.
Се отвораа слободни економски зони, две звучни имиња, Џонсон Контролс и Џонсон Мети влегоа во земјава. Даночни ослободувања, рамен данок, потези што требаше да ја подобрат бизнис климата. Во име на инвеститорите, цел владин тим, министри, промотори. Владата влезе во регулаторна гилотина. Македонија прогласена за реформатор од Светска банка.
2008-ма оваа Владата повторно ја доби довербата. Предвремени избори. Преродба во 100 чекори - надградена и проширена, а во неа пишува, понуда на визија која треба да ја измени денешнината која треба да отвори нова страна од нашата историја.
Сепак економија падна на колена. Без членство во НАТО и без датум за преговори во Европската Унија.
„Ако ние сакаме долгорочно да останеме сиромашни, молим, тоа е избор на оваа нација, трајно ќе бидеме сиромашни, но горди“, рече Ванчо Узунов, универзитетски професор.
„НАТО ви е гаранција дека вие безбедносно сте безбедни, значи нема да имате од тој карактер проблеми. Европска Унија ви е гаранција дека вие имате пристап до капитал“, вели Лидија Димова, Македонски центар за ЕУ образование.
Така велат експертите. Дали големите ветувања ќе донесат големи разочарувања, сепак ќе се анализира по следните избори, без разлика дали се редовни или предвремени.
Извор:
A1
