Ќе банкротира ли Македонија?Ванчо Узунов Не сме банкрот, ама се движиме натаму. Владата да се вразуми и да се однесува домаќински кога ги троши парите на граѓаните, порачаа денеска домашната експертска јавност.
„Буџетот е зависен од емисија на државни хартии, односно на државни записи месечно. Ако тоа не се намали, ќе дојдеме во ситуација на наркоман. Се повеќе и повеќе дрога, еден ден веќе колапсот е невиден“, изјави Ванчо Узунов, универзитетски професор.
Дали жичарницата на Водно е попродуктивна од изградбата на автопат, прашуваа експертите.
„Може некој фирмата своја да го прати во банкрот, ама не и мојата држава, затоа што и јас сум дел од неа, јас носам дел од тој терет.
-Така што не може некој да ме води во банкрот доколку до тој степен ги сведуваме нештата. Неминовен аранжман со ММФ“, вели Абдулменаф Беџети, универзитетски професор.
Ден Дончев Приватниот сектор во Македонија е оптоварен како никогаш до сега. Никој не знае колкав е долгот што државата го има кон нив.
„Нација која се обидува да постигне просперитет преку оданочување, личи на човек кој што стои во кофа и се труди да се подигне себе си со рачката бидејќи токму тоа ми личи фискалната политика на Република Македонија, посебно последните четири-пет години“, рече Ден Дончев, економски аналитичар.
Криењето на вистинската економска состојба и константното задолжување ќе ја колабираат државата, констатираа учесниците на конференцијата во организација на фондацијата „Институт отворено општество“.
http://www.a1.com.mk/vesti/default.aspx?VestID=122833
