Дневник, 3 юли 2009
СПРОТИ ПАРЛАМЕНТАРНИТЕ ИЗБОРИ В НЕДЕЛА
Бугарија чека спасителЗа да ја врати довербата од ЕУ, Софија ќе мора да покаже дека и криминалните босови одговараат пред законот
Дваесетина години по колапсот на комунизмот жителите на Бугарија чекаат спасител кој ќе ја исчисти земјата од корупцијата, непотизмот и самовластието на локалните моќници, се вели во анализата на Ројтерс.Враќањето на кралот Симеон Сакскобурготски, кој беше премиер од 2001 до 2005 година, не смени многу во општеството. Пристапувањето кон ЕУ две години подоцна, исто така, даде слаби резултати во засилувањето на правната држава.Анкетите покажуваат дека носталгијата по минатите времиња расте, а бугарските државјани, заедно со жителите на Зимбабве, Хаити и Египет, се најголеми песимисти во светот. Сепак, домашните медиуми јавуваат дека јавноста гледа нова надеж во Бојко Борисов, градоначалник на Софија и поранешен полициски генерал.
- Ќе гласам последен пат и тоа за Борисов, бидејќи вети дека ќе расчисти со организираниот криминал и со корупцијата. Ова е последен пат. Ако и тој не успее, готово е. Нема повеќе надеж за Бугарија - вели 32-годишна жителка на бугарската престолнина.
Аналитичарите оценуваат дека популарноста на Борисов, кој се претставува како народен човек, се должи на честите критики кон политичарите и на неговата реторика.
- Политичарите станаа цинични и арогантни. Затоа ЕУ е згрозена од нас -неодамна изјави Борисов, кој е поранешен полициски генерал, а како градоначалник отпушти десетици службеници поради сомненија за корупција и поведе кривични постапки против нив.
- Обичните луѓе го сакаат бидејќи не им се плаши на моќниците и зборува на јазик што тие го разбираат - велат експертите.Бугарија е црната овца во Европската Унија. Брисел лани, поради финансиски малверзации, замрзна милиони евра помош за земјата, во која за да избегнат апсење криминалци се кандидираа за пратеници.
- Репутацијата на Бугарија е многу нарушена. Потребни се радикални мерки за да го поправиме нашиот имиџ - изјави Тихомиз Безлов од софискиот Центар за студии по демократија.
Испитувањата на јавното мислење покажаа дека за мнозинството од 7,6 милионското гласачко тело најголем проблем е корупцијата. Проблем повеќе е неуспешната реформа во судството, поради што Софија може да се соочи со уште една казна, бидејќи Холандија веќе отворено го притиска Брисел да воведе нови санкции кон оваа членка на Унијата.Но, за да ја врати довербата од Брисел, Софија ќе мора да покаже дека и криминалните босови одговараат пред законот.
- Се разбира дека не може да бидат уапсени сите што зеле мито, но ако неколкумина олигарси се најдат зад решетки, тогаш останатите ќе се уплашат - вели францускиот амбасадор во Софија, Етиен де Понсин.Сепак, европски дипломати, што сакаат да останат анонимни, се скептици.
- Борисов беше пожарникар. Во 90-тите основа фирма за обезбедување и брзо доби повеќе значајни објекти. Тоа не можел да го стори сам, без врски во подземјето - наведуваат тие.
Борисов, пак, ги отфрла обвиненијата и за да докаже дека е поинаков политичар на своја страна привлече повеќе интелектуалци што се школувале и работеле на Запад.
- Верувам дека ќе има промени, но тие ќе се изведуваат повеќе години. Ништо радикално нема да се случи. Бугарија за десетина година ќе биде како Италија. Ќе постои и корупција, но и добра економија - изјави европски дипломат.
До влада само со убедлива победа
Десничарската опозиција на градоначалникот на Софија, Бојко Борисов, е фаворит на претстојните парламентарни избори во Бугарија во однос на владејачките социјалисти на премиерот Сергеј Станишев, но ако не освои мнозинство ќе го проблематизира составувањето на влада во земјата која е сериозно погодена од светската економска криза, јави МИА.
- Распределбата на 240 пратенички места меѓу седум или осум партии ќе го усложни формирањето влада, уште повеќе поради тоа што сите ја отфрлаат коалицијата со екстремистичката „Атака“ - велат аналитичарите, според кои најверојатно ќе се случи постизборен ќор-сокак, кој би можел да предизвика нови избори наесен.Борисов изјави дека се однесува резервирано кон коалициите, нарекувајќи ги замка. Тој ги исклучува социјалистите и Движењето за права и слободи (ДПС) како партнери, единствено предвидувајќи сојуз со десно ориентираните од „Сината коалиција“.Социјалистите, пак, декларираат дека се подготвени за коалиција со десницата, а сегашниот премиер Сергеј Станишев нагласи дека најлошото сценарио би било политичка анархија за време на криза.Сите партии-кандидати сакаат да го подобрат имиџот на Бугарија, кој е нарушен поради корупцијата, и да ја вратат довербата на ЕУ, со цел земјата да може да ја добие замрзнатата европска помош, која изнесува стотици милиони евра.
Автор
Тема: ЕЗИК НА ОМРАЗАТА ИЗЛЪЧВАТ КЪМ БЪЛГАРИЯ МАКЕДОНСКИТЕ МЕДИИ (Прочитано 331185 пати)