А1, 16.07.2009
Исполент само еден бенчмарк?Само еден од осумте бенчмаркови за старт на преговори е исполнет засега, констатира денеска влијателниот бриселски „тинк тенк“ Европски Политички Центар (ЕПЦ).Единствениот реализиран бенчмарк се изборите, но и овде авторот го нијансира успехот, истакнувајќи дека тие не се беспрекорни и многу нерегуларности беа забележани и на последните локални претседателски избори.
Загрижува и ниската излезност, смета ЕПЦ.
Во својата најнова студија насловена „Позади името на Македонија“, аналитичарите на ЕПЦ оценуваат дека датумот за преговори е остварлива цел оваа година, но сериозно ги критикуваат македонските институции за неквалитетниот начин на донесување на законите, без консултации и по итна постапка.
ЕПЦ забележува дека огромен број закони паѓаат пред Уставниот суд, а ја критикуваат Владата за нејзиниот однос кон овој Суд.
Понатаму ЕПЦ смета дека е загрижувачка блискоста помеѓу црквата и државата во Македонија.
Остри критики се упатени и за процесот на антиквизација во државата, термин кој и Брисел полека го присвојува.
ЕПЦ смета дека владината стратегија на преименувања и градење антички статуи не само што е наивна, туку му штети на имиџот на државата пред ЕУ и НАТО сојузниците.
„Тинк тенкот“ оди дотаму што ги потсетува македонските политичари дека
во очите на европската јавност античкото наследство се перцепира како грчко.
Антиквизацијата може да стане хендикеп за Македонија, смета ЕПЦ.
Автор
Тема: Дебата меѓу Љубчо Георгиевски и Паско Кузман (Прочитано 28789 пати)